Un appuntamento, quello di Terra Madre, che SlowFood promuove ogni due anni a Torino e che quest’anno, causa Covid, ha previsto tanti piccoli eventi in tantissimi paesi del mondo; un modo per sentirsi parte della Comunità Planetaria e un’occasione per dare voce a chi ancora crede nelle potenzialità di questa terra; una terra caratterizzata da una piccola economia locale, fatta di prodotti genuini, nati dal sacrificio di coloro che in queste terre credono e su queste terre hanno scommesso il loro destino.

An såntza 17 von bimmat atz Lavròu un an såntzta lest von bimmat atz Folgràit izta khent gemacht dar merkà vodar “Muatar Earde”; an initziatìv boda SlowFood macht alln zboa djar in di statt vo Torino un, boda ditza djar, iz khent augetoalt in ploaz khlummane merkà geströabet in da gåntz bèlt, peng in Covid. Azpe bar bizzan SlowFood iz a groazar feròin boden gitt zo tüana in da gåntz bèlt zoa azta daz sèll bobar èzzan un khint vodar earde habe bidar bèrt. Vor ditza att disa initziatìv soinda khent inngeladet lai firme un laüt, vodar Zimbar Hoachebene, boda arbatn haltante dakùnt ’z vèlt; boda rivan zo haba soine prodùkte åna zo nütza fitofarmaci ma lai sachandar boda khemmen vodar natùr, sachandar “bio”. An hauf di haüsla in platz vodar fratzióng Chiesa vo Lavròu: dar hof Lenzi, Engher, Guez, Michael, Tullia Corradi, Damiano Foradori, La Fonte, di Giulia von Kastelé pitt soinar “Natura in vasetto” un di Valentina von Kastelé pitt soin Hone vo Lusérn. Alle dise håm nèt lai vorkhoaft naturàl prodùkte, sa håm geböllt gedenkhan ke az iz bar ke di khlumman töala earde von pèrng mang sichar nèt gem asó vil azpe di groazan èkhar un gert von pon, mangsa, però, opfarn in laüt daz guat un gesùnt geèzza vonar bòtta; eppaz boda hèrta mearare laüt süachan, tüat khön ke dar pòrro von Nosellari iz khent vorkhoaft allar sa in earst tage. (E.v.K.)