MOENA. En lunesc ai 11 de jené del 2021 la Presidenta e la Diretora de l’Istitut Cultural Ladin “majon di fascegn”, ensema co la Presidenta del Grop ladin da Moena, ge à portà jun Busan sie omaje a Veronica Zanoner-Piccoliori del Tinoto Gabana, artista e scritora ladina de 98 egn. Na veiata doucia e zevila a chela che l temp ge à fosc portà demez vèlch recort e la forza di tempes passé, ma con doi eies che amò vèrda dalonc e i porta frescia la gaissa che à viventà na vita dedichèda a la letradura e ai colores e a la formes de sie chèdres. E na stua dai parees fedré de operes che somea che les sie vegnudes fora da n artist cubist de gran nonzech. Chest se à troà tedant la Presidenta de l’Istitut Cultural Ladin “majon di fascegn” - Lara Battisti, la Diretora - Sabrina Rasom e la Presidenta del Grop ladin da Moena - Angela Chiocchetti, en lunesc ai 11 de jené, canche les ge à portà jun Busan sie omaje a Veronica Zanoner-Piccoliori del Tinoto Gabana, artista e scritora ladina de 98 egn e sor de Ermanno Zanoner, miec cognosciù desche Luigi Canori. Apontin te la ocajion del 30eisem cedean da la mort de Canori, l’Istitut Ladin de Sèn Jan se à metù dant de zelebrèr l’event con dotrei scomenzadives che ge dae luster no demò a l’artist ecletich moenat, ma ence a sia sor Veronica, che tant i à fat per l lengaz, l’identità e la cultura ladina. Veronica Zanoner, maridèda Piccoliori, la é del 1922; l’à vivù la maor pèrt de sia vita jun Busan, ma la à mantegnù l leam fon con sia tera fascèna, ence desche una de la pruma colaboradores radiofoniches de la Rai Ladina. L’Istitut ge à donà a Veronica na targa con sie retrat da joena fat da sie fra Ermanno e l Calandèr ladin 2021, l Grop ladin da Moena ge à consegnà la neva publicazions; la Presidenta da Moena Chiocchetti à soscedà te Veronica recorc dalonc ma amò vives ge ciantan su doi cianties de Canori. Per didèr sie mère a se recordèr di moments ladins e de familia, l fi Giuliano Piccoliori ge à moscià vèlch retrat di tempes passé. N rengraziament che no podea mencèr donca e na vijità istituzionèla che l’é doventà n moment pien de emozion. Fora per l 2021, l’Istitut ladin portarà dant autra scomenzadives en onor di frèdes Zanoner, con chela de fèr cognoscer l contribut artistich e identitèr che i ne à lascià.

L’ISTITUTO LADINO E IL GROP LADIN DA MOENA HANNO PORTATO IL LORO OMAGGIO A VERONICA ZANONER DEL TINOTO GABANA

Lunedì 11 gennaio 2021 la Presidente e la Direttrice dell’Istituto Culturale Ladino “majon di fascegn, assieme alla presidente del Grop ladin da Moena, hanno portato a Bolzano il loro omaggio a Veronica Zanoner-Piccoliori del Tinoto Gabana, artista e scrittrice ladina di 98 anni. Una vecchina dolce e gracile alla quale il tempo, forse, ha portato via qualche ricordo e la forza dei tempi passati, ma con due occhi che ancora guardano lontano e trasmettono con forza l’entusiasmo che ha caratterizzato una vita dedicata alla letteratura e ai colori e alle forme dei suoi quadri. E un salotto con le pareti ricoperte da opere che sembrano elaborate da un artista cubista di grande fama. Questo si sono trovate davanti la Presidente dell’Istituto Ladino “majon di fascegn” - Lara Battisti, la Direttrice - Sabrina Rasom e la Presidente del Grop ladin da Moena - Angela Chiocchetti, lunedì 11 gennaio, quando hanno portato a Bolzano il loro omaggio a Veronica Zanoner-Piccoliori, artista e scrittrice ladina di 98 anni e sorella di Ermanno Zanoner, conosciuto in arte come Luigi Canori. Proprio per l’occasione del 30esimo anniversario dalla morte di Canori, l’Istituto Ladino di San Giovanni di Fassa ha deciso di organizzare alcune iniziative per dare rilievo non solo all’artista eclettico moenese, ma anche a sua sorella Veronica, che tanto hanno fatto per la lingua, l’identità e la cultura ladina. Veronica Zanoner, sposata Piccoliori, è del 1922; ha vissuto la maggior parte dei suoi anni a Bolzano, ma ha conservato un legame profondo con la sua terra fassana, anche come una delle prime collaboratrici radiofoniche di Rai Ladina. L’Istituto ha donato a Veronica una targa con il suo ritratto da giovane realizzato dal fratello Ermanno e il Calendario ladino 2021, mentre il Grop da Moena le ha consegnato le nuove pubblicazioni; la Presidente moenese Chiocchetti ha risvegliato in Veronica ricordi lontani, ma ancora vivi, cantando due canti di Canori. Per aiutare la madre a ricordare i momenti ladini e familiari, il figlio Giuliano Piccoliori le ha mostrato alcune fotografie dei tempi passati. Un doveroso ringraziamento dunque e una visita istituzionale che si è trasformata in momento di grande emozione. Nel corso del 2021, l’Istituto ladino proporrà altre iniziative in onore dei fratelli Zanoner, con l’obiettivo di far conoscere il contributo artistico e identitario che ci hanno lasciato.